Shillong, Iaiong 06: Ka nongialam jong ka Joint Action Committee ki nonghikai skul Deficit ha ka jylla ka long Susan Syiem kala ong ba kin buh teng shuwa ia ka jingiakhih namar kane ka jingpang COVID-19 kala dang kiew ha ka jylla.
Haba kren ha ki lat pathai khubor mynta ka sngi, ka long ba kum ki nonghikai kiba don ia ka jingkit khlieh na ka bynta ka bha ka miat kim kwah ban buh ia ki jingiakhih kiba lah ban ktah ha ka imlang sah lang, hynrei ki don kiwei pat ki jingiakhih ki ban nym ktah paidbah.
Ha ka juh ka por la iathuh ba ka JAC kaba kynthup ia ki nonghikai deficit jong ka Khasi Hills KJDSA bad GADSTEA mynta ka taiew kin phah da ka jingthoh sha u myntri rangbah duh jong ka Ri ndia u Narendra Modi bad sha ka tnad pule puthi jong ka sorkar pdeng ba kin tip ia kaei kaba jia ha Meghalaya.
Kum ki nonghikai kim kwah ban pyntup ia ki samla pule kin sa sdang ia ki eksamin jong ki ha kine ki khyndait sngi bad kum juh ia ki nongpyniaid ia ki skul, la ong ba ka jingiakhih kan dang iaid sha khmat khlem da pynthud ia ki samla pule bad kum juh ia ki bor pyniaid skul.
