Bun ki skul ki khlem ioh ia ka jingpynbna sorkar ban map bai skul por khangdam: Pynshailang

Shillong, Rymphang 16: U bah Pynshailang Lyngdoh Nongdiang, u wei na ki riew treimon sngewbha u la kam ba bun na ki skul ki khlem pat ioh ia ka jingpynbna sorkar ha kaba ia dei bad ka jingmap ia ka bai skul ha kito kip or ba don ka jingkhangdam na ka daw jong ka jingpang khlam COVID-19.

Haba kren ha ki lat pathai khubor mynta ka sngi ha Shillong Press Club u bah Pynshailang u la ong ba bun na ki kmie ki kpa jong ki khynnah skul mynta ki ud ba ki shem jingeh ban siew ia ka bai skul na ka bynta kito ki bnai kiba khangdam na ka daw jong ka jingpang COVID-19.

Halor kane ka jingud ki kmie ki kpa, da ka jingsngew khia u la leit ban ia kynduh ia ki principal bun tylli ki skul  ha kane ka nongbah Shillong, hynrei khlem da pynpaw ia ka kyrteng jong ki skul la ong ba bun na ki skul ki khlem ioh da ka jingthoh ia kata ka jingbthah ban ong ba kan don ka jingmap ia ka bai skul hynrei la shu iohi ha ki lat pathai khubor.

U bah Pynshailang u kyntu ia ka tnad pule puthi jong ka sorkar ba kan da phah sha baroh ki skul ia ka jingpynbna sorkar lada kala don kata ka rai ban map ia ki bai skul na ka bynta kito ki bnai kiba khangdam, khamtam ia kito ki skul kiba la ioh ia ka jingiarap na ka sorkar jylla.

Ha ka jingiakynduh ia ki Principal haba ia dei bad ka bai skul la ong ba lada kim shim ia ka bai skul naei kin siew ia ka tulop jong ki nonghikai bad ki kmie ki kpa ruh haba ki khlem ioh bylla ha kito kip or khangdam naduh u bnai Lber jong u snem 2020 kumba saw ne san bnai naei kin ioh pisa ban siew ia kata kabai skul.

Na ka liang jong u bah Pynshailang u la ong ba dei tang ka sorkar kaba lah ban leh ei ei ia kane ka jingeh jong ki paidbah bad lada kala don kata ka jingmap ia ka bai skul ruh ai ka sorkar lyngba ka tnad pule puthi kan phah ia ka jingpynbna sorkar sha baroh ki skul ba kin tip, namar kumba ka long mynta don bun ba ki khlem ioh ia ka jingpynbna.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet