Bun na ki MDC ki dang ap ia ka rai na ka iing kashari  ban shimrai ha KHADC

Shillong, Rymphang 24: U nongialam jong ka parliamentary party jong ka National People’s Party hapoh jong ka KHADC u bah Gigur Myrthong u la ong ba bun na ki MDC ki dang ap ia ka rai na ka iing Kashari ban shim ia ka rai ha KHADC.

Haba kren ha ki lat pathai khubor mynta ka sngi U bah Gigur u ba dei u nongialam jong ka NPP hapoh jong ka KHADC, u la ong ba kum ka party kala dep ban khot ia ka jingialang hapdeng ki MDC jong ka party ha kaba ia dei bad ka jingeh kaba la mih ha KHADC bad kala don ka jingiakren ban khot biang ia ki MDC kiba la mih na ka party.

U bah Gigur u la ong ba ha ka jinglong briew don bun ki jingduna dei ban ia map bad ia klet ia kaei kaba la jia, dei ban pyrkhat na ka bynta ka jingdon kam jong ki paidbah, kumba ka long mynta ki paidbah ki don ha pdeng ka jingeh kaba khraw namar ka District Council ka long kaba don kam.

Kum u nongialam jong ka NPP hapoh jong ka KHADC u la ong ba khot ia ka jingialang bad u la pyrshang ban khot biang ia ki MDC kiba la mih na ka party, kumba ka long mynta ka don ka jingkynnoh lada kim lah ban wan rah biang ia ka EC hapoh jong ka KHADC.

U la ong ba u kyntu ia baroh ki MDC kiba don ha ka liang synshar ba kin ia pyrkhat thymmai biang, haba ia dei bad ka jingkylli hato ka NPP kan leit ban kyrshan ia ka UDA ne ia ka UDF, haba ia dei bad kane kila ia kren hapoh ka party bad ha kine ki sngi ym sa iatip paidbah.

What Next?

Recent Articles

Leave a Reply

Submit Comment

*