Shillong, Iaiong 15: Mynta ka sngi haka por shiteng sngi u phria u ba jur u la hap hapoh West Jiantia Hills District, hynrei ka shnong kaba la shah ktah eh na kane ka jinghap jong u phria ka dei ka shnong Shangpung.
Katkum ki jingtip kiba la lah ban ioh la ong ba ka jinghap phria kam shym la neh slem, hynrei ka jingjulor pat jong ki iing ki sem ka dei na ka daw ba u phria u ba la hap ha kane ka sngi u la long u bah heh bha ha kaba kiba bun ki iing kiba la sop da ka tin kila pei na ka daw jong kane jinghap u phria.
Haba u SP News Agency u la pyrshang ban wad jingtip na ki bor jong ki District haduh katno tylli ki long iing kiba la shah pynjulor ha kane ka jinghap phria ym shym la lah ban ioh namar ba ka jingshim jingkhein ka dang iaid ban tip ia ka jingsha pynjulor ki iing ki sem.
