Shillong, Lber 30: U Deputy Commissioner jong ka West Khasi Hills District u Arun Kumar Kemphavi, u la iathuh ba ka jingshah lyndhong jong ki shnong ki thaw ha ka jinghap phria mynta ka sngi kala jia ha baroh saw tylli ki block kiba don hapoh jong ka West Khasi Hills District.
Haba ia dei bad ka jingshah pynjulor jong ki shnong ym pat lah ban tip kattno tylli ki shnong kiba la shah lynshop namar mynta ki jingkhein ki dang wan. Na ka liang jong ka ophis kala phah ia ki lad jingiarap sha ki briew kiba la ngat ha kane ka jingshah pynjulor ha ka Mairang,ia ki jingiarap la dep ban phah naduh ka por lai baje mynta ka sngi.
Na ka liang jong ka ophis kala phah ia ki briew sorkar ba kin leit ban ai ia ki jingiarap sha ki paidbah kiba la ngat ha kane ka jingpynshah pynjulor bad ki shnong kiba la ioh jingkhen kiba la shah ktah haduh mynta ki long ka Shahllang, Riangdo bad ka pyndenglawar bad ki dang bun ki shnong kiba dang wan ai jingtip.
