Shillong, Kyllalyngkot 03: Ki lai tylli ki seng bhalang, ka KSU, FKJGP bad ka HNYF mynta ka sngi kila leit ban ia kynduh ia u Deputy Commissioner jong ka East Khasi Hills District u Bah P S Dkhar ban dawa ba dei ban thaw noh ia ka District Task Force Committee (DTFC) ban pyntrei kam noh ia ka ain Meghalaya Resident Safety and Security Act namar ba ia ki rules ruh la dep ban shna da ka sorkar.
U Bah Willbert Rani President jopng ka FKJGP haba kren ha u SP News Agency ha dien ka jingiakynduh ia u Deputy Commisioner, u la iathuh ba ha kane ka jingiakren na ka liang jong u DC u la kren shai ba na ka liang jong ka District Administration ki long kiba la kloi ban pyntrei kam ia ka DTFC hynrei ka jingeh ka long ba haduh mynta ki bor jong ka District kim pat ioh ia ki rules na ka sorkar.
U president jong ka KSU u Bah Lambokstarwell Marngar, u la ong ba ki seng bhalang kin nym ap shuh ia ka sorkar hynrei kin iaid sha khmat ban pyntrei kam ia kane ka ain ryngkat ki dorbar shnong, mynta kam long beain shuh ban pyntrei kam ia kane namar ka long ain bad ki rule ki la don namar ba kuman ka sorkar.
Kitei ki nongialam seng bhalang kila kren shai ba kane ka jingpynslam ka kdew ba u Dr Mukul Sangma myntri rangbah ka Jylla ym don kata ka jingshim khia ia ka kam, na ka liang jong ki seng bhalang kin bud dien ia kane bad ka sorkar namar haduh mynta ka sorkar kam pat phah ia ki rule sha ki Deputy Commissioner ha ka Jylla baroh kawei, wat la ia ki rules la pdiang da ka cabinet ha u Nailar 2017.
Ha kane ka jingiakynduh ia u Deputy Commissioner u Bah Sadon Blah nongialam ka seng HNYF ruh u la ia don lang. Kine ki nongialam seng bhalang kila kynnoh ba kane ka jingpynslem la san bnai mynta ban phah ia ki rules sha ki Deputy Commissioner jong ki District ka dei ka jingkhein sting jong ka sorkar u Dr Mukul hi kum u myntri rangbah ym don ka jingkit khlieh kynnoh ki tei ki nongialam seng bhalang.
