Shillong, Jylliew 11: Ka KSU Mynksan Unit West Jaintia Hills District lyngba u General Secretary Samla Garland S Manner, ka pynpaw ia ka jing sngew bitar halor ka rukom shondur smart card jong ka tnad ba dei peit, ha shnong Mynksan namar ba bun ki paidbah kim ioh lad ban shondur wat haba ki la ap baroh shi sngi ki la pep ki jingtrei baroh shi sngi namar ba ladep ban pyrta shnong ban wan ki nong shondur smart card.
Na ka liang jong ka KSU kala pynpaw ia ka jingsngewsih namar wat la ki paidbah nongshong shnong ki Ia ap baroh shi sngi ruh kim ioh lad ban shon khamtam ia kito ki ba sah trei bylla sha jngai ban wan khnang ha shnong ban ioh shondur, kine ki briew nong shondur ki iathuh bym biang ka network bad ka light.
Ka seng ka ong balei kim wan ban test shwa ka ei ka network ka ba biang eh ban pyndonkam ha kane ka shnong ha shwa ba kin wan lada ki ai daw sha ka ta ka network bad balei kim wanrah ia ki Generator ban ioh light ki ap beit ia ka light ba ioh ei, La pynpaw u Samla Garland S Manner.
Kumba long hi mynta wat tang shi powa ruh ki briew kim ioh ban shondur ha kane ka shnong, don kiba ong ba kin hap leit shon sha ki Block ban ioh ia kane ka card.
Ha Kaba khatduh eh ka KSU Mynksan Unit ka ban jur na ka tnad ka koit ka khiah ba dei peit ba ka dei ban phah kloi biang ia ki briew jong ka sha ki shnong ki bym pat dep ban shondur khnang ba ki to ki baduh kin ioh biang.
Kumba long mynta ki to ki baduh lada ki thiah pang kim ioh jingiarap ei ei ruh wat la ki long kiba duk ruh namar ba kim pat don ia kane ka Smart Card, La pynpaw U Samla Garland S Manner u balong u General Secretary Ka KSU Mynksan Unit haka juh ka por u ba long ruh u General Secretary ka KSU Jaintia Hills District.
