Bym biang ki jaka sah ia khih ki samla pule ka NEHU ha ka sngi Laitluid jong ka Ri

Ia khih ki samla pule ka NEHUShillong, Nailar 15: Mynta ka sngi ki  samla pule jong ka North Eastern Hills University  ki la pynlong ka jingiakhih ka jong kid a kaba jingrah placard ha ka sngi rakhe ia ka sngi Laitluid jong ka Ri ban pynpaw pyrthei ia ki jingeh ba ki samla pule ki  ia kynduh  ha katei ka skul bah.

Ha kane ka sngi da ki phew ngut ki samla pule kiba la rah ha ryngkat ki placard kiba la don ki jingthoh pyrshah ia katei ka jaka pule halor ka jingbym biang ki jaka sah bad kiwei kiwei ki jingdon kam jong ki samla pule ha kane ka skul bah.

U president ka NEHUSU u Bah  Napoleon S.Mawphniang haba ai jingkren u la ong  ba ka jingthmu jong ki ka long ban pynpaw sha khmat ia ki jingeh jong ki  ba kum ki samla pule ki pynpaw ba kim pat ioh ka jinglait luid hapoh kane ka ri India ba ki samla pule kim ioh ka jinglaitluid.

U la ong ba ha kane ka sngi ka long tang ka jingsdang bad u la ong ba lada ka bor pyniaid kim sngap ia ki jingdawa ka jong ki , na ka liang ka seng kam ban se ban pyrkhat pat da kiwei ki lad ki lynti bad iaid sha khmat ban pynurlong ia ka jingdawa jong ki khnang ba ka university kan kiew.

Kane ka jingia khih ka dei man ka por , bad u la iathuh ba kum kine ki jingiakhih mynta ka la dei kaba 23 ne 24 , bad lada u Vice Chancellor  u khot ia kren ,na ka liang ka jong ki ki kloi ban leit lada u Vice Cahncellor u ai ka jingkular  khlem kren kyllain eiei .

Na ka liang u president ka NEHUSU u la ong lada ka jingia kren kam sei soh na ka liang jong ki kin pynjur ki jingiakhih da kiwei pat ki program da kaba un ia wer lang ia baroh ki samla pule ka university.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet