Shillong, Rymphang 18: Ka jingbym lah ban pyndep shuh ia ka bynta kaba lai jong ka Greater Shillong Water Supply Scheme-III (GSWSS) kala pynlong ia ki paidbah nongshong shnong jong ka nongbah Shillong ban pan jingbit ban tih ia ki pungum ha ki jaka jong ki kaba ki don.
U T Chakraborty haba kren ha ki lat pathai khubor u la iathuh ba kumba ka long mynta ka jingbym lah ban pyndep ia ka GSWSS kala pynlong ia ki briew jong kane ka nongbah Shillong, khamtam na ki thain Mawlai bad police Bazar ba kin pan jingbit ban tih pungum ha ki jaka jong ki.
U tei u heh jong ka sorkar pdeng ba dei peit ia ka Central Ground Water Board (CWGB) hapoh jong kane ka jylla Meghalaya u la iathuh ba jan man u bnai ki aplikoshon ba pan jingbit ban tih pungum kila kot sha ka 100 tylli bad ki aplikoshon kiba dang sah mynta ki long kumba 200 tam ei ei kiba dang sah.
Haba jubab ia ki jingkylli, u la ong ba kumba ka long mynta ka jingdon ia ka um hapoh khyndew hapoh kane ka nongbah Shillong kam pat don jingktah ei ei, hynrei kaei kaba don jingma ka long ba ka rukoms hong ka um ha kane ka nongbah Shillong ka long ha ki syrtap maw bad lada ktah ia ka kan long kaba ma dei na kata ka daw ba ki hap ban da bishar bniah bha.
Ka rukom shong ka um ha kane kine ki lum ka long katkum ka jingkiew jinghiar jong ka ka kam long kumba long sha ki jaka pynthor ha kaba la lah ban shim jingkhein. La iathuh ruh ba namar ba ka sorkar jylla kam don ia ka jingkhein kaba thikna kane ka buh ia kane ka ophis ha ka jingeh.
Latihuh ba mynta ka don ka skhim kaba la tip kum ka “National Hydrology Project” kaba la bei pisa da ka sorkar pdeng ha kaba ka sorkar jylla ka hap ban pyntrei kam ia ka ban tih ia ki pungum bad kine kin long ki jaka wad bniah ia ka jingdon kam um hapoh khyndew. Ia kane kan leh ka tnad Water Resources jong ka sorkar jylla bad ha kine ki jaka ym buh ia ki “Piezo Metter”.
