Shillong, Jymmang 09: Mynta ka sngi ki nongalam jong ka Federation All School Teachers of Meghalaya hapoh ka jingialam jong u bah Mayborn Lyngdoh kila leit ban ieng ha khmat jong ka Meghalaya Secretariat ban ia kynduh ia u myntri rangbah ban sngewthuh ha kaba ia dei bad ka jingdawa jong ki nonghikai.
Haba kren ha ki lat pathai khubor ha khmat ka secretariat u bah Mayborn la ong ba kila buh ia ka jingthoh ha ka shitarik mynta u bnai ba ki kwah ban ia kynduh ia u myntri rangbah ka jylla hynrei haduh mynta ka sngi ruh kim pat iohia kynduh dei na kane ka daw ba ki sa ieng ha khmat secretariat.
La ong ba lada u myntri rangbah um khot ia kren kin pynlong biang ia ka jingiakhih ha ka 12 tarik mynta u bnai bad da ong ba kin pynlong ia ka jingiakhih shong kyllain mungor ha khmat secretariat la da kim ioh jingbit ruh.
Kum ban pynkynmaw ba ka FASTOM kala dawa na ka sorkar ban pynkiew noh ia ka tulop jong ki kyllum ia ki nonghikai Adhok ha ka jylla bad kila ia kynduh ruh ia ki ophisar a tnad pule puthi jong ka sorkar jylla ban ia kren ia kine ki jingdawa ka jong ki.
