Bym pat ioh skhim MDC u Bah HS Shylla yn leit ia kynduh ki nongkyrshan ia u CEM

Mr HS Shylla

Shillong, Ri saw 01:Ki nongkyrshan u Bah HS Shylla, MDC na Nongkrem Constituency kin saleit ban pan jingshai na u Bah Pynshngain N Syiem, Chief Executive Member (CEM) ka Khasi Hills Autonomous District Council (KHADC) namar ka jingbym lah ban pyllait ia ka MDC skhim kaba ki paidbah ki dei ban ioh.

Haba iakren bad u bah HS Shylla u la iathuh ba ha ka sngi Saitjain, ki nongkyrshan jong u hapoh ka jingialam u bah Hilarius Warbah kum u Chairman kin sa leit ia kynduh ia u CEM ka KHADC ha ka 3 tarik mynta u bnai ban pan jingshai namar ka jingbym lah ban pyllait ia ka MDC skhim ha Nongkrem constituency.

U la iathuh ba naduh b

a u la jop haduh mynta um pat ioh ia ka MDC skhim kaba u la dep shna kaba kot T.1.90 klur kane ka la pynkhuslai ia ki paidbah jong ka constituency. Shuh shuh u la iathuh ba ka jinghap ban leit iakynduh ia u CEM ka long namar ki s

heptieng ioh kane ka skhim kaba la dep pynkhreh kam urlong namar ka ilekshon MLA ka jan.

“Haduh mynta u CEM um pat khot wat tang shisien ia ka committee jong ka District Level Committee jong ka KHADC ban phah ia ka jingtyrwa sha ka District Council Affairs (DCA) bad kane ka jingleh sting u CEM ka la pynkhuslai ia ki paidbah” u la ong.

U la iathuh ba baroh kito ki 6 ngut ki MDC kiba dang shu jop thymmai ki hap lang ha ka juh ki don ki bym pat ioh ia kane ka MDC  hynrei u sngewlyngngoh ba kumno tang u MDC ka Mawthadraishan u la ioh lut baroh.Ha ka juh ka por u la iathuh ba kato ka T.1.12 klur kaba la dep sam sha ki katto katne ki shnong ka dei ka bha kaba la leit sam work order hi na u CEM ka KHADC.

 

What Next?

Recent Articles

Leave a Reply

Submit Comment
*