Bym poi ki MLA ka liang synshar ha jingialang, yn pynlong ka HYC da ka jingiakhih

The HYC membersShillong, Naitung 29: Ka seng  Hynniewtrep Youth Council (HYC) mynta ka sngi kala khot ia baroh ki MLA kiba don ha ka liang synshar sha ka jingialang hapoh jong ka Khasi National Dorbar Hall Mawkhar. Ka jingthmu jong kane ka jingkhot ka jong ki ia kane ka jingialang ka long ban sngewthuh la ki kyrshan ne pyrshah ia ka ILP.

Haba kren ha ki nongthoh khubor ha dien ba ki MLA ka liang synshar ki khlem poi sha kane ka jingkhot jong ka seng, na ka liang jong ka HYC kala rai ban pynlong noh da ki jingiakhih ha ki Constituency jong kito ki MLA kiba don ha ka liang synshar bad ia kane ka jingiakhih kaba mynta un tip kum ka “Iada ka Bri Hynniewtrep Mission”. La ong u president ka seng u Bah Peter Lawai.

U Bah Lawai u la ong ba na ka liang jong ka seng kala da phah da ka shithi sha baroh ki MLA kiba don ha ka liang synshar, kam dei ba ki shu khot kumto. Katba na ka liang jong ki seng sain pyrthei kum ka UDP, HSPDP, KHNAM kila pynpaw ba ki sngewiahap bad ki jingdawa jong ka seng HYC hynrei kin dang ia kren hapoh jong ki party jong ki shuwa ba kin ia kynduh ia ka HYC.

Katba na ka liang jong ka National People’s Party (NPP) kala pyntip ba kin dang ia kynduh ha ka sngi baa r kaban wan ha kaba ia dei bad kane ka jingthoh jong ka seng HYC bad kin ia kren shuwa hapoh jong ka party shuwa ba kin ai ia kano kano ka rai. Ha ka juh ka por seng kan nym ap ia ka sorkar haduh ba kan da pyntrei kam ia ka ILP, na ka liang jong ka seng shen kin sa pynait paidbah ia ka kot lyngkdop ba kumno ban the lakam ia ka jingwan rung tuh jong ki briew ban a bar sha kane ka jylla.

U  General Secretary jong ka seng HYC u Bah Robert K Jahrin, u la ong ba ka seng ka pyrshah ia ka Meghalaya Safety bad Security Bill, ia kaba mynta kala kylla ain naduh kaba sdang, bad ka seng mynta kala lap ba wat ki dkhot jng ka select committee ha kaba ki ia kren ia kane ka Bill shuwa ban pynlong ain, kila kren shai ba kane kam dei ka ain ia da ia ka jingwan rungtuh ki mynder sha kane ka jylla, kiba la kren ia kane hapoh ka select committee na ka liang jong ki MLA ki long Dr Jemino Mawthoh, Bah  Embhahlang Syimelieh, Bah Ardent M Basaiawmoit bad u  John Leslee K Sangma, ha kaba kine ki MLA ki long ba kane ka Bill kam don jingiadei ei ei bad ka jingiada ia ka jingwan rungtuh ki briew kiba na bar.

U Bah Robert General Secretary jong ka seng u la kren shai ba ka seng ka kwah ia ka kwah ba kan pyntrei kam ia ka ILP da kaba pyntrei kam ia ka Eastern Bengal Regulation act 1873, ha kaba ka sorkar jylla ka lah ban shna ia ka ain kaba long kum ka ILP kumba la leh ka sorkar Congress ha Manipur ha ka por jong ka jinglong myntri rangbah u Ibobi Sing bad kane ka sorkar BJP kaba mynta ha katei ka jylla ruh ka long kaba la kloi ban pyntrei kam ia ka ILP.

Na ka liang jong ka seng ka kren shai ba kam don kano kano ka jingpyrshah ia ki wei pat ki para nong India ha kaba kin rung kin mih, hynrei ka jingkwah ka jong ki ka long ban khanglad ia ka jingwan shong wan sah ka jong ki ha kane ka jylla, namar ban iada ia la ka jong ka jaidbynriew kam don jingkhanglad, wat ia ka jingiakhih ban ioh jylla la ka jong ruh la pynshongnongrim ban ia da ia la ka jaid bynriew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet