Jowai, Rymphang 06: Ha ka jingiakynduh ha pdeng ki arseng ka All Jaintia Transporter’s Association bad ka Meghalaya People’s Labour Union ha Jowai mynta ka sngi ka 6.2.2020 ban ia kren halor ka jingbym shimkhia jong ka jylla Meghalaya ha kaba ia dei bad ka rai jong ka Supreme Court ka ri India ha ka jingia dei bad ka Kam khaii bad tih dewiong ha poh Meghalaya.
Ha kane ka jingiakynduh kila ia kren halor ki jingeh ba mih na ka FASTag ha ki Toll Gate. Ha kane ka jingialang la ia kren ruh ia ka jingtrei torti ka NHAI ia ka surok kaba la pynmih jingeh ia ka jingleit jingwan ki paidbah. La ia kren ruh ia ki jingeh ki Trai Trok halor ka dor baikit ba buh ka Sorkar Meghalaya. Ha kane ka jingiakynduh kila ia kren ruh ia ki jingeh kiba la mih na ka jingtrei kam jong ka sorkar namar ba kim biang.
Ha dien ba la ia kren sani bha la seng ia ka Meghalaya Joint Action Committee for solution of Public Grievances. La jied ia u Ma Balen Thubru kum u nngkhot, U Ma Erwin K Syiem Sutnga Advocate kum u Co Convenor ,ia u Mr Dawniwon Chulet kum u Secretary ba dei peit ia ka East Jaintia Hills District bad ia u Mr. Kyrshan Dkhar Secretary ban peit ia ka West Jaintia Hills District.
La rai ban khot jingialang paidbah ha ka 11 mynta u bnai ha 7 Mer West Jaintia Hills District ha ka por 11 baje mynstep ban ia kren ia kine ki jingeh. La khot ia baroh ki trai trok, kali kamai, nongtrei dewiong mawshun etc, dribar bad handyman, ki nongkhaii dewiong bad mawshun shyiap maw bad kiwei kiwei.
La khot ia ki trai par dewiong, mawshun, Shyiap, maw etc, ki Seng Bhalang, ki longkmie, longkpa, ki samla ka Ri Jaintia bad Ri Khasi ruh ban ia kren bad shim ka rai. La kyrpad ban ia shim khia ia kine jingeh bad ia wan paidbah sha ka jingialang. Kane ka long katkum ka kyrwoh kaba la phah da u Bah Balen Thubru.
