Bym treh thung ia u DMHO ba pura ha SWKH District khang tala ka KSU ia ka ophis

Shillong, Risaw 29: Ka KSU South West Khasi Hills District mynta ka sngi kala leit ban khang tala ia ka ophis treikam jong u District Medical Health Officer (DMHO) kaba don ha poh jong ka Mawkyrwat CHC jong ka South West Khasi Hills District.

Ka KSU kala shim ia kane ka sien jam namar ba ka sorkar kam treh ba  thung ia u DMHO ba pura hapoh jong katei ka District wat la ka seng kala dep ban dawa na ka sorkar bad la pynlong ruh ia ka jingiakhih shong kyllain mungor, na ka liang jong ka KSU kala shim ia kane ka rai namar ka jingkuman jong ka sorkar.

Ha ka kyrwoh kaba la phah mynta ka sngi ka seng KSU ka long ba kila leh ia kane ban  pynpaw  pyrshah halor ka jingkuman jong ka Naduh Health Department jongka sorkar jylla bad kum shibynta ban pynbor ia ki nongmih khmat kiba dei ki MLA bad MDC jongka South West Khasi Hills District ban shimkhia halor ki mat ba iadei bad ka koit ka khiah.

Ki dkhot ka KSU Mawkyrwat Circle mynta  ka sngi ki la leit ban khang tala noh iaka kamra Treikam jong u District Medical and Health Officer, South West Khasi Hills District ha Mawkyrwat. Kane ka jingleit khang tala ka dei hadien shitaiew naka Sit in demonstration ba la pynlong ka seng hynrei ka sorkar kam shym la patiaw satia bad ym don uwei ruh naki Nongmihkhmat ka thain ban kren lem sha ka sorkar halor kane ka mat ba ktah iaka iap ka im jongki paitbah

Iaka kynhun jongka seng la ialam da u samla Rutherford Lyngdoh, General Secretary ka KSU Mawkyrwat Circle haka jingiadon lang jong u samla Forwardman Nongrem, President KSU South West Khasi Hills District. Haba kren ha kane ka sngi, naka liang jong u samla Rutherford Lyngdoh u la ong ba kane ka dei ka jingsdang ka seng ban iakhih namar ka sorkar kam shym la peitkhmat lem iaka koit ka khiah jongki paitbah.

Naka liang jong u samla Forwardman Nongrem President KSU South West Khasi Hills District u la ong ba ka seng ka dawa naki nongmihkhmat ba mynta ka la dei ka por ba kin kren eiei iaka sorkar ban thung noh ia u DMHO ba pura bad ruh ban pynbeit iaki jyrwit jyrwat jongka CHC 100 jingthiah. Mynta ka la kut ka ia jingkular hynrei ka la dei ka por ba kin pynurlong iaki jubanlak ba ki la khlei haki paitbah.

Ka seng ka dawa ym tang naka Health Department hynrei ngi dawa ruh naki nongmihkhmat ba ki pynbeit kham kloi iaka iap ka im jongki paitbah. Ka kyrwoh ba la phah da u samla Rutherford Lyngdoh, General Secretary, KSU Mawkyrwat Circle.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet