Byrngem ia khih ka GSU lada duh pule doctor ki samla, kynnoh ia ka sorkar Meghalaya

Shillong, Nailur 01: Ka seng samla pule GSU ha dien ba kala ioh jingtip ba ki samla pule ka jylla kiba la shah jied ban leit pule doctor sha Assam kim shym la ioh Admision namar ka sorkar Assam kala kyntait ban pdiang ia ki ha ki jaka pule doctor hapoh katei ka jylla kala budien ban lap ia ka jingshah.

Ha dien ba ka seng kala lap ia ka jingshisha ba ki samla kiba la shah jied ban leit pule doctor na kane ka jylla kila shah kyntait noh ha dien ba kila shah jied na ka bhah jong ka sorkar jylla, haba ka seng kala wad jingtip shuh shuh kila shem ba kala don ka jingiakynnoh kawei ka tand sorkar ia kawei pat halor kane ka jingbym ioh pule doctor ki samla kiba la shah jied.

Na ka liang jong ka GSU kala dawa na ka sorkar Meghalaya ba ka dei ban leh ei ei halor jong kane ka jingjia namar kam dei kaba suk ia ki samla pule la da ki duh klas  khamtam ha ka MBBS bad kane ka jingshah kyntait jong kine samla pule doctor ha ka jylla Assam kan ktah ia ka jylla namar dang duna palat ki doctor ha ka jylla.

Na ka liang jong ka GSU kala byrngem ba ka long kaba la kloi ban pynlong da ki jingiakhih ban pynbor ia ka sorkar Meghalaya ba ka dei ban pynbeit ia kane ka jingeh kaba ki samla pule kiba la shah jied ban leit pule ha ki Medical College kiba don ha Assam kim ioh admission, kane ka jingjia baroh ka dei na ka jingleh sting jong ka sorkar la kynnoh ka GSU.

What Next?

Recent Articles

Leave a Reply

Submit Comment
*