Byrngem ia khih sa ki nonghikai kiba shah weng kam ba kynnoh tah sialieh ki don 506 ngut

Shillong Nailur 15: Ki nonghikai kiba la shah weng kam ha u snem 2014 na ka daw jong ka jingshah kynnoh tah sialieh, kila kynnoh ba ka sorkar kala leh shiliang da kaba thung kam biang ia ki sheteng bad beh kam pat ia ki shiteng, ki la kyntu ia ka sorkar ba kan thung kam biang ia ki, lym kumta kim banse ban mih madan ban pynlong da ka jingiakhih.

Ka kong Happiness Suchiang kaba dei kawei na ki nonghikai kaba la shah weng kam ha u 2014, ka la pynpaw ia ka jingsngewsih namar ba ki la shah weng na ka kam hikai bad namar ba ka sorkar ka la iuhroit ia ka hok ban im jong ki nonghikai.

Kine ki nonghikai ki kyntu ia ka sorkar ba kan sngewbha ban bishar biang naduh ba sdang haduh ba kut khlem da leh shilliang khmat, lada ka sorkar kam lah kin mih madan ban iaid sha surok ban iakhih, la ka kong Happiness haba kren sha ki lad pathai khubor ha Shillong Press Club.

Ki nonghikai baroh kiba la shah weng kam na ka daw jong ka jingshah kynnohtah sia lieh ki don 506 ngut baroh bad napdeng kine kiba la shah thung biang ha ka kam ki long 193 ngut baroh haduh mynta, kiba dang sah ki don 313 ngut,

Ki nonghikai kiba la shah weng kam ka sien kaba nyngkong ha u snem 2014 ki don 246 ngut baroh bad napdeng kine 6 ngut ki la shah thung biang ha ka kam. Katba ha ka bynta kaba ar jong ka jingshah weng ha u snem 2019 ki don 260 kiba ioh biang ia ka kam 187 ngut bad kiba shah weng kam ki long na ki 15 tylli ki jaka thoh eksam.

Ha u snem 2014 kiba shah weng kam ki long na ki 5 tylli ki Centre bad ha u 2018 ki long na ki 8 tylli ki Centre. Kaba sngewlyngoh ka long ba na ki 2 tylli ki Centre kynthup na Ampati bad Williamanagar ki la jah ka ‘Score Sheet’ hynrei haduh mynta ki ia trei ia ktah bad ki ioh tulop.

Ki kyntu ia ka sorkar ba kan ai biang ia ka kam lym kumta kim banse ban mih madan ban pynlong da ka jingiakhih. Ka sorkar ba kan sngewbha ban bishar biang naduh ba sdang haduh ba kut khlem da leh shilliang khmat, lada ka sorkar kam lah ngin mih madan ban iaid sha surok ban iakhih ong ka kong Happiness.

Ka kong Happiness ka la ong bay m dei ma ki kiba tah sia lieh ia ka Scrore Sheet, kim dei ma ki kiba shim Interbiw, ne ba ai mark hynrei mynta ki la shu kynnoh ia ki bad la beh kam syndet khlem da bishar lang ia baroh.

Lah ban kdew ba ka sorkar jylla ka la weng kam ia ki nonghikai halor ka jingkynnoh ba la shah thung kam beain ha u 2010 ba la lap da ka High Level Scrutiny Committee ba la thung da ka sorkar ban tohkit hadien ba la sei madan da ka CBI.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet