Shillong, Naitung 03: Ki khatsaw tylli ki shnong ba hap hapoh ka Elaka Sumer kiba shaniah ban iaid lynti lyngba ka jingkieng Rimanar ba don ha Samasi ki ia lum lang ban jurip ia ka jingima halor ki dak jingorpait Jong Kane ka jingkieng .
Ha Kane ka jingjurip , la don lang baroh ki Rangbah shnong bad kiwei nongialam shnong shynrang bad kynthei , u Acting Doloi u Bah Khmih Manar, Ki nongialam KSU na Jaiñtia Hills bad Ruh na ka Liang ka sorkar la mihkhmat u Bah Banteilang J Kharshandi (MCS) u ba long u BDO na Saipung C &RD bad Magistrate ruh ha Kane ka thaiñ kila leit ban jurip lang ia kane ka jingkieng ha ka Balang .
Kane ka jingjurip ka long hadien ka jingleh khlem akor bad bymsuidniew Jong ki Kali heh ban kit mar palat ia ka 9 ton wat hadien ba la dep pynjari Da ka kyndon CrPc 144 namar ba la paw ki dak orpait kaba lah ban wanrah ka jingmynsaw ia ki Paidbah bad ktah ia ka leit ka wan Jong ki nongshongshnong ba shaniah ha une u surok . Ia Kine ki dak jingima bad ki jingeh ba lah ban mad Da ki Paidbah la kubur ruh da u BDO Bah Kharshandi bad yn sa ai ia kaiphod Sha u DC bad sha ka PWD .
Kaei kaba pynlyngoh bad wanrah ka jingdiaw ia ki paidbah kane ka thaiñ ka long ba tang hadien katto katne kynta ka jingjurip, la don biang ki draibar trok kiba kit ia ki mar palat pud ka jingkhia Da ka jingsngew sarong bad hangamei khlem burom ia Kane ka kyndon sorkar. Ki Paidbah ki snhewlyngngoh Ruh ia ka jingbymwan ki briew na ka PWD Ruh kumba la pynbeit .
Na ka Liang ki Waheh shnong , ki la suba jur ba ka don kaei re kaei sha lyndet ba lah ban dei ba ki trai trok ki leh sop sop bad ka sorkar. Te la katta Ruh, ki Waheh shnong ryngkat u Acting Doloi ki la dawa jur ban Kem mardor bad pynshitom ia baroh kiba donkti ban pynkhein ia kane ka kyndon bad ngin ap sa tang katto katne sngi ba Lada ki Bor district Kim nud ban leh halor kine , Kim banse ban iaid Da kiwei pat ki lynti kiba kham tyngeh wat ban ujor shaduh Meghalaya High Court .
