Shillong, Lber 13: Ka seng ki kynthei ia kaba la tip kum ka Khun Khynthei Hynniewtrep Association (KKHA), ka pynrem jur halor ka jingshah pyniap bein jong ki kynthei bad la shah leh beijot jong ki ha ki riew sniew, ban pynrem ia kum kine ki jingjia ka seng kan pynlong ia ka jingiaid paidbah ha ka 18 tarik mynta u bnai bad ban pynkut ha Khyndailad da kaba thang mombati, la ongu Bah Goldy Warjri.
Ka KKHA haba pynrem ia ki nongleh kam sniew ban pyniap bein ia ki kynthei, ka seng ka daw ba ia kum kine kinongleh kam sniew dei ban set phatok shirta jong kim. Ban pynpaw ia ka jingpynrshah ka jong ki, la rai ban pynlong ia ka jingiaid paidbah ha ka 18 tarik mynta u bnai na Madan Student sha Khyndaidlad bad ban pynkut da ka jingthang mombati ha katei ka jaka.
Haba kren ha ki nongthoh khubor ha Shillong Press Club u Bah Warjri u la ong ba ka sorkar ka dei ban shim ia ki ain kiba khlain ban pynshitom ia ki nongleh kam sniew, la ong ba ka long sep ei ban ai jingiarap sha ki long iing kiba ngat ha kane ka jingjia ba sngew haba ka mynsiem briew kam don shuh.
La ong ba kane ka jingthmu ban pynlong ia kane ka jingiaid paidbah ka long ban pynpaw pyrshah ia kito ki nongleh kam sniew, ha ka juh ka por u la ong ba ka seng ka sngew ia hap ia kaei kaba u MLA jong ka NCP u la kren hapoh ka iing dorbar ba dei ban shim ia ka rai ka ba tyngeh ha kaba ia dei bad kine ki kam pynjop ia ki kynthei.
