Shillong Kyllalyngkot 02: Ha ka jingshim kyllum jong ki BSF ia ka jingioh kurup jong ki mar khaii beain ha khapud bad ka Bangladeshha u snem 2019. Ki BSF kila ioh ban kurup haduh T.10,6000/- lak tyngka pisa bad la ioh ruh ban kem ia ki briew ba dei na Bangladesh. Da kane ka jingioh kem ki BSF ki shim ba ka jingkhaii ia ki pisa thok sha India ka wan na ka thie ka Ri.
Haba ia dei bad ka jingkem ia ki masi, ki BSF kila ioh ban kem haduh 10239 tylli bad lada khein ha ka dor iew ka dor jong kine ki masi kala kot sha ka T.16,86,51,930/- tyngka. Ki BSF kila ioh ruh ban kurup haduh T.20 lak tyngka kaba pisa India kaba la wan rung na Bangladesh.
Ha u snem 2019 ki BSF kila ioh ruh ban kem haduh 176 ngut ki khar Bangladesh kiba la wan rung tuh sha India ha khappud ka India bad Bangladesh na ki bynta jong ka jylla Meghalaya.
Wat ha pdeng ka jingbun kam na ka liang jong ki BSF kila ialeh ruh ban ai ka jingiarap ia ki paidbah kiba don ha khappud bad ka Bangladesh bad ka long ban ialeh ban don ka jingiajan ha pdeng ki nongshong shnong bad ki shipai BSF kiba pahara ha khappud.
Ha ka juh ka por na ka liang jong ki BSF kila shim katto katne tylli ki shnong kiba don ha khappud kiba dang duna ha ki kam pynroi baroh ba kin ia leh ban pynioh ia ki jingiarap sha ki shnong la ka dei na ka liang jong ki ne na ka liang jong ki bor jong ka sorkar jylla.
