Shillong, Lber 03: Mynta ka jan miet ki ar ngut ki MLA jong ka party HSPDP, u bah Methodius Dkhar na Mawthungkut bad u bah Shakliar Warjri na Mawthadraishan kila ai da ka jingthoh sha u nongialam ka NPP u Conrad K Sangma ban ai ia ka jingkyrshan ia ka sorkar.
Da kane ka jingkyrshan ka jong kine ki ar ngut ki MLA, kane ka kynhun kaba la ialam da ka NPP, kila don NPP 26, BJP 2, Independent 1, HSPDP 2 baroh ki long 31 ngut bad khmih lynti ba u wei u Independent na Rambrai Jyrngam ruh u ai ka jingkyrshan ia kane ka sorkar.
Ha ka juh ka por na ka liang jong ka party HSPDP kala phah ia ka shithi sha u Lat ka jylla ia kaba la soi da u President u bah K P Pangniang bad u general secretary ka party u bah Panbolang Ryntathiang kila phah ia ka shithi sha u Lat ka jylla ban weng ia ka jingkyrshan.
