Shillong, K. Lyngkot 14: Mynta ka sngi ka seng KSU na East Jaintia Hills kala leit ban ia kynduh ia u mytnri ba dei peit ia ki kam pynroi nongkyndong u bah Hamletson Dohling ban ai da ka jingthoh ban dawa ba ka sorkar ka dei ban pynioh ia ka Block ha Lumshong ha Elaka Narpuh.
U samla Kwillness Suchiang President ka KSU Narpuh la ong ba kane ka jingwan jong ki ban ia kynduh ia u myntri ka tnad pynroi nongkyndong ban pynioh ia ka Block ha Narpuh kaba hap hapoh jong ka East Jaintia Hills District.
Katkum ka jignthoh kaba la ai sha u Myntri ka tnad pynroi nongkyndong la ong ba ka tei ka thain ka don 55 tylli ki shnong bad ki paidbah nongshong shnong ki don palat ia ka 45000 ngut bad kiba bun na ki paidbah ki im na ka rep ka riang.
Mynta katei ka thain ka hap hapoh jong ka block Wapung, na ka shnong Hingaria sha Wapung ka jngai haduh 80 km bad na Malidor sha Wapung ka jngai haduh 101 KM, lada don noh ia ka Blok ha Narpuh kine ki shnong ki long noh tang 50 Km na ka Block.
Na ka liang jong ka KSU Narpuh ka buh ia kane ka jingdawa ha khamt ka sorkar ba kan phiah noh ia ka blok Wapung da kaba shna noh ia ka Narpuh Block da kaba buh ia ka Block hapoh ka shnong Lumshnong jong ka East Jaintia Hills District.
