Shillong, Jymmang 10: Mynta ka sngi ki nongtrei jong ka Mawmluh Cherra Cement Ltd (MCCL) hapoh jong ka lama Mawmluch Cherra Cements Employees Union (MCCEU) kala phah da ka jingthoh sha u mytnri rangbah ka jylla u Cornad K Sangma ban dawa ba ka sorkar ka dei ban siew noh ai ki da ka tulop haduh ba kin da lah ban pyntrei kam biang ia ka karkhana dewbilat.
Ka MCCEU ka dawa ruh ba ka sorkar ka dei ban siew dewnoh ia baroh kiba sah bad ki nongtrei kam ka MCCL. Kawei par ka rai ki dawa ba ka sorkar ka dei ban pyntrei kam noh ia ka karkhana pynmih dewbilat jong ka sorkar kaba don ha Sohra hapoh ka 15 sngi.
Ha ka juh ka por ka thoh ba ka sorkar ka dei ban ai biang ia ka skhim ba ki nongtrei kin lah ban shongthiat noh kumba la leh ha u snem 2017, ia kane ka skhim ba kin shongthiat noh na ka kam khlem pat dei por na ka bynta kito nongtrei kiba kwah ban shong thait noh.
Ha kane ka shithi kaba la phah sha u myntri rangbah ka jylla la ong ba ia kitei ki lai tylli ki rai la shim ha ka jingialang paidbah jong ki nongtrei ka MCCL, kinongtreiha ka lama jong ka MCCEU kila pynpaw shai kdar ba lada ka sorkar kam jubab kim ban se ban pynlong da ki jigniakhih.
Ia kane ka shithi la soi da u president u bah Shanlang Diengdoh President bad u bah Pynskhem Lyngdoh general secretary, la phah ruh sha u Symbut myntri rangbah ka jylla, myntri ba dei peit ia ki kam karkhana, MLA katei ka jaka bad sha u CEM jong ka KHADC.
