Shillong, Risaw 01: u Bah Sanbor Shullai MLA jong ka 19th Shillong South Constituency u la pynkup burom da ka ‘The novel service award’ 2016 ia ki nongtrei jong ka Shillong Municipal Board bad jong ka Shillong Cantonment Board kiba la ai ia ka jingshakri ka jong ki ban pynkhuid ia ki shong ki thaw.
Baroh kine kiba la ioh ia kane ka jingpynkupburom ki long 151 ngut, kine ki nongtrei jong ka SMB bad jong ka SCB kila ai ka jingshakri kaba kynsai sha ki paidbah nongshong shnong ban wan rah ia ka jingkhuid jing suba ha shnong ki thaw na ka bynta jingbha u ba bun balang.
Kine ki jingai sngewbha ia kine ki 151 ngut ki long da ki tiar iing ha kaba ki lah ban pyndon kam ha ki iing ki sem ki jong ki, ha kane ka sngi la don lang ruh ki nongkit kam jong ki seng bhalang bapher bapher ban ia sakhi lang ia kane ka sngi.
