Shillong, Jymmang 08: Ka sien kaba nyngkong ba u m
yntri rangbah ka jylla u Conrad K Sangma mynta ka sngi u la ia kren bad ki 10 ngut ki Deputy Commissioner na ki khatwei tylli ki District ha ka jylla ba bud dien ia ki kam pynroi ha ka jylla.
Haba kren ha ki nongthoh khubor, u myntri rangbah u la ong ba ka jingbym lah ban ia kren bad u Deputy Commissioner jong ka South West Garo Hills District namar ka don kane ka elekshon shiteng samoi. U myntri rangbah u la ong ba kane ka jingbud dien ia ki kam pynroi na ka liang jong u myntri rangbah yn leh man u bnai.
U myntri rangbah u la ong ba da ka jingdon ia kine ki kor ki bor mynta kan iarap ia ka sorkar ban bud dien ia ki skhim kiba ka sorkar ka pyntrei ha kylleng ki bynta jong ka jylla bad kane kan pynsuk ruh ban pynbeit ia ki jingeh lada ki mih katba ia ki kam pynroi la sdang ban pyntrei.
Ka sorkar ka kwah ban iohi ba ki kam pynroi kiba ka sorkar ka leh na ka bynta ki paidbah ki dei ban dep ha ka por ka biang bad kam dei ban don kano kano ka jingthut ha kaba pyntrei iaki da kane ka jingiakren ka ban long man u bnai bad ki DC kan iarap ban pynstad ia ka kam bad ka long ka jingbud dien na ka sorkar ha kaba pyntrei ia ki kam pynroi.
