Da kaba plie ia ki Bank kala iarap ia ka sorkar ban pynioh kam ioh jam ia ki samla: AL Hek

Shillong, Nohprah 06: U myntri ka koit ka khiah jong ka sorkar jylla u Bah AL hek u la plie Northeast Small Finance bank kaba thymmai ha kane ka nongbah Shillong ha Mission Compund Shillong ha ka sngi ba ar mynta u bnai.

Ha ka jingkren jong u bah Hek kum u kongsan ha kaba plie ia kane ka bank kaba thymmai, u la ong ba ka jingdon jong ki bank ruh kala iarap shibun ia ka sorkar ha kaba ai kam ia jam ia ki samla jong ka jylla.

Ha ka juh ka por u la ong, haba ki bank ki plie ia ki shnat jong ki kim dei ban peit tang ia ka jingwan thep pisa ki briew, hynrei ki dei ruh ban iarap ia ki briew ha kaba ai ram ba kin lah ban seng kam seng jam.

Na ka liang jong u myntri u la kyntu ia ki bor ba pyniaid ia kane ka Bank ba ki dei ban pyndun ha kaba buh ia ki kyndon, haba kren kumne kam mut ba kin nym don ki kyndon, ki kyndon kidei ban don hynrei ban pynjem ia ki khnang ba ki paidbah kin lah ban shim ia ki jingmyntoi na ki Bank.

Na ka liang jong u Bah Hek u la ai ka jingkyrkhu kyrdoh ia kane ka Bank ba kan dang lah ban kiew ha kaba ai ka jingshakri ia ki paidbah. Kiwei kiba la ia don lang ha kane ka sngi ki long u rev Pastor N Syiem, u khliedhuh  jong kane ka Northeast Small Finance bank.

 

 

What Next?

Recent Articles

Leave a Reply

Submit Comment

*