Shillong, Nohprah 18: Ki nongtrei jong ka Garo Hills Autonomous District Council (GHADC) mynta ka sngi kila bteng biang ia ka jingiakhih jong ki ban dawa ba ki dei ban ioh noh ia ka tulop jong ki kana la sahi mynta la 32 bnai.
Ha kane ka sngi ki nongtrei da ki spah ngut kila shong kyllain mungor ha phyllaw jong ka ophis ka GHADC ban pynpaw sha ki bor sorkar ba ki nongtrei ka GHADC ki kwah ban ioh noh ia ka tulop jong ki kaba ka GHADC kam shym la lah ban siew la 32 bnai.
Ha kane ka sngi ka seng ki nongtrei ka GHADC hapoh ka lama NGEA kila pynpaw ia ka jingsngew kyndit ban iohi haba ia ka tulop ym lah ban siew la aisa kontrak ban aisa rong ia ka ja ka jngohkai bad kila kynnoh ruh ba ka secretary kala kontrak ia kane ka kam airong sha ki nongtrei ka GHADC.
Ka seng NGEA ka ong ba kane ka jingleh ka long pyrshah ia ka rule trei kam jong ka GHADC kaba kren shai ba ki nongtrei hapoh ka GHADC kim lah ban trei ia ki no ki no ki kam kontrak. Ka seng NGEA ka dawa ba dei ban pynshitom kay kum ka kyndon trei kam ka GHADC.
