Da kaba tah poster hikai ka shnong Shella bad ka Lafarge ban iada na u COVID-19

Shillong, Lber 21: Ka Dorbar Shnong Shella ha ryngkat ka jingiarap Jong ka Lafarge Umiam Mining Pvt Ltd ( LUMPL kum shi bynta ban iatreilang bad ki bor sorkar halor ki lad jingiada na ka jingsaphriang u Khniang jingpang Covid-19 bad ban hikai ia ki nongshong shnong ia ki kamram ba ki dei ban leh ban iada na kane ka jingpang.

Ia kane ka jingtah Poster la pynlong ha baroh ki 10 tylli ki Kher hapoh shnong ban pynsngewthuh ia ki Nongshongshnong hi baroh shaphang une u Khniang jingpang, ki dak ki shin Jong kane ka jingpang, kiei kiba dei ban leh bad kiei kiba hap ban kiar khnang ba kane ka jingpang kan nym saphriang.

Ka Dorbar lyngba ka jingpynbna Paidbah hapoh shnong ka lah kyntu ruh ia baroh ki nongshongshnong ba kidei ban iatreilang ban bud beit bud ryntih ia ki jingbthah jong ki bor Sorkar kiba lah pynbna na ka por sha ka por kum ki lad jingiada na kane ka jingpang.

La pynbna paidbah ruh ba ia mynta shipor la pynsangeh shuwa ia baroh ki jingialang, ki Dorbar bad Committee hapoh Shnong ki ba hap ban ialum paidbah katkum ka jingbthah Jong ka Sorkar Jylla.

La kyntu ruh ia ki Nongshongshnong ba kin phikir bad peitngor ban pyntikna ba yn nym don ki briew kiba na bar Jylla ne Bar Ri ki ban wan rung hapoh u pud u sam Jong ka Shnong ia mynta shipor bad lada don ki ba wan dei ban phah leit noh ia ki shwa ba kin wan rung hapoh shnong.

Ka Dorbar ka kyntu ruh ia ki Nongshongshnong ba kim dei ban ngeit kulmar ia ki khana hamsaia ki ban pynkulmar bad pyntieng halor kane ka jingpang hynrei ba kin sngap bad bud ryntih ia ki khubor kiba wan pynbna da ki bor Sorkar.

Na ka liang Jong ki bor shnong ngi iatrei ryngkat bad ki bor District halor ki lad jingiada na ka bynta ka Shnong bad ngi duwai ruh ba u Blei Nongbuh nongthaw un iada kyrpang ia ka Ri bad ka Jaidbynriew ka jong ngi ba ngin lait na une u Khniang jingpang. Kane ka long katkum ka kyrwoh kaba la phah da u bah Roykupar Synrem Secretary shnong.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet