Da ki blanket noh synñiang ki nongtrei “Survey of India” ia ki 34 tylli ki long iing ba duk

Shillong, Nohprah 15: Kum shi bynta ban ioh ialeh kmen lang ha ka jingrakhe ia ka Christmas mynta u snem, bad kumba ju leh manla u snem, mynta ka kynti ruh ki nongtrei jong ka Survey of India, Shillong ki la mih shakhmat ban ialeh kmen ryngkat bad ki long iing kiba duk bad kyrduh lyngba ki jingai sngewbha bad ka jingiadih sha lang.

Kane ka jingai sngewbha jong ki nongtrei ka Survey of India kiba dei tang ki Khasi, ka la long da ka blanket syiad sha ki 34 tylli ki longiing kiba duk ba ki la jied para nongtrei bad la ai mar 2 tylli ia kawei ka longiing ryngkat ka pisa.

Ia ka jingsam ia kine ki jingiarap noh synñiang sha kine ki long iing ba duk la pynlong ha ka hall kaba don ha phyllaw treikam jong kane ka ophis bad ia ka jingialang ha kane ka sngi la pyniaid da u Bah SB Kharbyngar ban airap ia ki long iing kiba don ha ka jingduna ha ka ioh ka kot.

Ha kane ka kynti ki la don haduh 19 ngut ki nongtrei jong ka Survey kiba la mih shakhmat ban ia synñiang na ka bynta ban noh jingiarap lem sha ki longiing kiba donkam ia ki jingiarap bad khamtam ban ialeh kmen kum ha kane ka por ba baroh ki ialeh kmen ia ka Christmas. Ia kane ka jingiarap ki nongtrei kila juh pynlogn naduh bas dang u snem.

Ha kane ka jingialang na ka liang ki nongkren ki la pynpaw ba ka mynsiem jong ki, kam kwah ban shu hun tangba ki la dap ia lade ne ka iing ka sem ka jong ki, hynrei ki don ruh ia ka jingangnud ban ioh leh eiei na ka bynta kiwei pat kiba don hapdeng ka jingduk bad jingkyrduh khamtam ha kum ha kane ka por.

Ka jingjied ia kine ki longiing baduk ka long hi da kine ki nongtrei kiba jied na la ki jong ki shnong ki dong kaba ki sah. Lah ban pynkynmaw ruh ba kine ki nongtrei manla u snem ki ju leh ia kum kane ka kam isynei, kata ha ka por ba la leit ki ju leit ban pynshna da ka iing ia kito ki longiing kiba duk bad kyrduh bha.

Na ka liang kine ki longiing kiba la ioh ia ka jingiarap ki la pynpaw ia ka jingkmen bad ruh ban sngewnguh ia kine ki nongtrei kiba la don ia kum kane ka jingpyrkhat na ka bynta ka jong ki bad ha kajuh ka por ki la kitbok kitrwiang ruh ia kine ki nongtrei ba kin dang lah ban trei ia kane ka kam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet