Shillong, Nailur 14: Ban kyntiew ia ka jingnang jingstad na ka liang u MDC ka Nongthymmai u bah Latiplang u la noh synniang da ki kor komputer kaba long ka tiar kaba donkam bha kat kum ka juk stad kaba mynta sha ki 12 tylli ki skul katei ka constituency .
Ka jingthmu ba kongsan jong u bah Latiplang ban sam da ka kor komputer sha kine ki skul ka long kaba donkam ha kane ka juk mynta.
U Bah Latiplang haba ai jingkren ha kane ka sngi kum u kongsan ula ong, ka jingnoh synniang da ka kor komputer ka dei ka kam da kaba sam ia ka skhim sha kylleng ki skul ha baroh kawei khnang ba kan kiew ka pule puthi ha ka jylla.
U la ong ba ka donkam ruh ia ka jingtrei shitom ki khynnah skul da kaba wan sha khmat ha ki eksam khnang ba ka sorkar kan phai khmat sha kine ki skul ba kan long ka burom ym tang ia ka skul ne ka shnong hynrei ia ka ri bad ka jaitbynriew hi baroh kawei.
