Shillong, Naitung 14: Ki bor ba dei peit ia ka jaka ieng ki Inter State Bus Terminus ha Tura kila buh da ki dieng pynkiang ban khanglad ia ki briew ba kin leit shong kai dih kyiad da ki kali ha katei ka jaka ieng Bus ha ki jaka kiba khlem pay pyndon kam.
Haba SP News Agency u la poi sha katei ka jaka la iohi ba ki bor ba dei peit ia kane jaka ing ki bus ban leit na kawei ka jylla sha kawei ka jylla kila buh da ki dieng pynkiang ban khang lat ia ki ban rung sha ki bynta ba sharum jong katrei ka jaka iing kali kiba ym pat pyndon kam.
Haba la ioh ban ia kren bad kiba trei ha katei ka jaka kila pynsngew ba ka jingbuh ia kine ki dieng pynkiang ka long ban khanglad ia ki briew kiba wan da ki kali ba kin hiar sha ki bynta ba sharum kiba ym pat lah ban pyndon kam wat la la dep ban shna ia ki jaka ieng ki kali kiba leit ban ia dih kyiad.
Ki jaka kiba la pyndon kam mynta ka dei ka bynta kaba sha jrong bad ka jaka ka long kaba kylluid bad ki paidbah na Tura kila pynlong ia kane ka jaka kum kawei ki jaka iaid pyngnat ban pynialehkai ia ki khynnah namar ka dei ka jaka kaba kylluid.
Ha katei ka jaka ki Bus kiba wan na Assam bad kiba wan sha Shillong ia ki ieng ha katei ka jaka ba ka long kaba itynnad namar ka jinglah ban pynkhuid ia kane ka jaka bad ka jingtei ia kane ka jaka sangeh ki bus ka long kaba itynnad ha kaba lah ban iohi kyndiang ia ki them jong ka sor Tura.
