Da ki hajar poi ki paidbah sha ka jingleh kmen Independence Day ha madan Polo

Chief ministerShillong, Nailar  15: Mynta ka sngi bun na ki khynnah skul kiba la wan ban ia shim bynta ha kane ka jingleh kmen Independence Day kaba 71 ha madan polo kila thlep na ka daw jong ka jingshit palat jong ka sngi ha ka por ba ki dang ieng lain ha ka por ba dang kren u myntri rangbah ka jylla u Dr Mukul Sangma.

Ki doctor, ki Nurse bad kiba kinongiarap kiba la don ha jaka kila rah ia kine ki khynnah sha ka jaka ai jingsumar. Kane ka jingthlep jong ki khynnah skul kila long da ki phew ngut ha kane ka sngi.

Ban rakhe lang ia kane ka sngi lehkmen ia ka sngi Laitluid jong ka Ri, ki briew na kylleng kila ia poi sha Madan polo da ki hajar ngut ki briew kila ia thuid sha kane ka jaka leh kmen ia kaba la pynbeit da ka sorkar. Ha kane ka sngi la pyninam ruh ia ki jingshad kiba bun jaid jong kane ka Ri kaba khraw ha kane ka sngi kyrpang.

Ki heh sorkar kiba la wan ban ia shim bynta ha kane ka jingrakhe ki long na ka liang jong ki shipai ryngkew, ki shipai suin bad ki heh sorkar jong ka jylla Meghalaya, ia ka match pass la ia lam da ka kynhun shipai na Assam Riffle Regiment, ki kynhun shipai BSF, na ki pulit ka jylla bad na ki SF-10 bad bun bah ki skul kiba la wan ban ia shim bynta ha kane ka sngi.

Ia ka jingsalute bad pynher ia ka lama jong ka Ri India la leh da u myntri rangbah ka jylla ha kane ka sngi rakhe ia ka sngi laitluid jong ka Ri kaba 71. Ia kane ka sngi leh kmen la sakhi da ki jakar ki paidbah ha madan polo mynta ka sngi. Ia kane ka sngi la rakhe ban kynmaw ba dei ha kum kane ka sngi ka Ri India kala ioh ia ka jinglaitluid na ka jingsynshar jong ka Ri Bilat.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet