Da ki hajar tuid ki paidbah ha ka jingleh burom khatduh ia u Dr Donkupar ha Madan Mawpun

Sohra, Naitung 31: Ia ka jingleh burom khatduh ia u Dr Donkupar Roy speaker jong ka iing dorbar thawain ka jylla la pynlong mynta ka sngi ha Madan Mawpun ha Siatsohpen, Sohra ha kaba da ki hajar ngut ki briew kiba la poi ha kane ka sngi wat hapdeng ka jingjur jong u slap.

Ha kane ka jingpyndun burom State Funeral, ha ka jingkren jong u Myntri rangbah u la ong ba ka jinghikai kaba khraw tam eh ha ka sain pyrthei na u ne u nongialam ka long “Ka jingshaniah” u Dr Donkupar ia kaei kaba u la khlei u bat ia la ka juban ym juh kylla ktien, kane ka dei ka jinghikai ka long kaba kongsan tam ha ka sian pyrthei.

Ka jingduh noh ia u ne u nongialam ka long ka jingduh kaba khraw ia ka jylla hi baroh kawei, u dei shisha u nongai buid, u nongai bor u nongsneng nongkhraw bad ka jingduh noh ia u u la ong ba ka long kumba u duh biang sa u wei u kpa, ka jingpaw ka jong u Dr Donkupar ha ka sain pyrthei ym tang ha ka jylla, ha ka dang shatei lam mih ngi bad ka Ri hoi baroh kawei.

Ha kane ka sngi da ka jinglung mynsiem u Chief Minister u Conrad K Sangma u la iamrangbah  katba u dang kren namar ka jingduh kam dei tang ia ka Shella hynrei ia ka jylla  bad ia kane ka sorkar MDA kaba u ialam.

U Nongialam ka liang pyrshah u Dr Mukul Sangma, ha ka jingkren ka jong u la pynpaw ia ka jinglong khraw jong u Dr Donkupar Roy namar ym juh shet kylla, hynrei u long pynban u ba shah shet jylla u bat ia ka jubab ia kaba la iakren. U la ong ka jingduh ia u ka long ka jingduh kaba khraw ia ka jylla ha kane ka rta kaba ka jylla ka dang don kam ia u.

U la pynpaw ruh ha kane ka jingleh burom ia ka jinglong ba rangbah jong u Dr Donkupar ha ka por ba ki la ia don lang ha ka sorkar. U long shisha u briew u ba pyrkhat na ka bynta ka roi ka par jong ka jylla bad ka bha ka miat jong ka jylla bad kum juh na ka bynta ka jaka kaba u mih khmat dei kane ka jinglong kaba la pynlong ia u ba ki paidbah kin ai ka jingshaniah haduh hyniew sien ban long u nongmihkhat jong ki.

Ha kane ka sngi ia ka jingleh burom la sdang da ka jingbuh syntiew da u myntri rangbah ka jylla u Conrad K Sangma, but sa ki myntri sorkar, ki MLA, u VHief Secretary ka jylla,u Director general ki pulit, bad ki nongialam seng seng pyrthei bad ki lok ki jor.

Kum ka jingburom ia une u nongialam kala don ruh ka jingleh burom da kaba siat suloi lai sien laiwat sha suin na ki pulit jong ka jylla. Ia ka jingkren ai khublei la aid a u khun jong u Dr Donkupar Roy Dapkupar Synrem. Ki paidbah kiba la ia poi sha kane ka jingleh burom khatduh kila ieng wat hadpeng ka jingjur jong u slap. Ha dien ka jingleh burom la rah ia ka met jong u Dr Donkupar sha Shella ban pyndep ia ka jingleit ontep ba don Burom.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet