Da ki hajar tuid ki paidbah sha ka Air Festival ki shipai suin ha Hynniew mer

Air Fest 2017Shillong, Risaw 02: Da ki hajar ki paidbah kila tuid sha ka “Air Festival” 2017 jong ki shipai suin ia kaba la pynlong ha hynniew mer. Kane ka jinglehkmen ka long ban rakhe ruh ia ka jingdap 85 snem jong ka kynhun shipai suin jong ka Ri.

Ha kane ka jingleh kmen kaba la khring eh ia ki paidbah ka long ban iohi ia ki helicopter Mi-17 ba ki pynher ha ka rukom kaba itynnad ha kaba lai tylli ki helicopter kila iaher ha ka juh ka por bad kane kala khring shisha ia ki nongleit sha katei ka tamasa kaba la pynlong da ki shispai.

Kawei pat ka jingkhring ia ki paidbah ka long ia ka kynhun tem jong ki shipai suin ia kaba la tip kum ka Air Force Band, ka kynhun tem ha kaba ia dei bad ka jingjop thma ia kaba la tem da ki shipai suin. Ha kine ki lai sngi ki paidbah kila iohi ban peit da la ki jong ki khmat ia ka jinglah jong ki shipai suin jong ka Ri India.

Ia kane ka jingleh kmen la sdang ha ka sngi Saitjain bad la pynkut mynta ka sngi ha pdeng ka jingphuh jingphing wat la ka la don ka jingthut ha ka sngi sdang na ka daw jong ka jingwit jong ka suin beng.

What Next?

Recent Articles

Leave a Reply

Submit Comment
*