Shillong, Rymphang 03: Mynta ka sngi da ki hajar ngut ki paidbah na kylleng ka Bri-U Hynniewtrep kila ia thuid sha ka jingkiew pyneh ryngiew ha u Lum Sohpetbneng kaba shisien shisnem kaba la pynlong da ka seng khasi man la u snem ha une u bnai Rymphang.
Kumba juh long man u snem kala don ka jingduwai phirat ha u trai nongbuh nongthaw ha kliar jong u Lum Sohpetbneng ia kaba la shna kyrpang ba la khien kyntang ia ka ba ka dei ka duwan dupat ha kaba la pynlong ia ka jinglehniam leh rulong ia kaba la pyndep da ki long san man san.
Ha dien ba la dep ka jinglehniam la ailad ia ki paidbah ba kin pynlong ia ka jingduwai phirat ka jong ki ha une u lum kyntag. Ha ka juh ka por la sam ruh ia u khaw jerk ha thoh sha ki paidbah ban pyneh ryngiew bad la sam rum ia ka um ksiar umrupa, khyndai umdih khyndai umtong.
Ha kane ka sngi kala don ruh ki jingshad tynrai, kum ka shad Laho na Jaintia Hills bad ia shad mastieh na khasi Hills bad ki jingrwai kyrsiewthiah halor ka mynnor bad ban kyntu ban pynneh pynsah ia kaba u long shuwa man shuwa u la buh bad bala ai pateng.
