Shillong, Nailar 26: Mynta ka sngi da ki hajar ki paidbah kila ia tuid ban ia shim bynta ha ka jingiaid paidbah ban pyrshah ia ki kam dih grugs ha kane ka jylla bad khamtameh ha ka thain Mawlai, ia kaba la pynlong da ka seng FKJGP jong ka Mawlai ha kaba la sdang ia kane ka jingiaid na Basic School Mawlai Nongkwar bad pynkut ha Madan heh Mawlai Phudmawri.
U Bah Marbud Dkhar President jong ka seng FKJGP, u la ong ba ka jingthmu ban pynlong ia kane kane ka jingiaid paidbah mynta ka sngi ha ka thain Mawlai ka long ban pyrshah ia kikam dih drugs kaba long ka nongshun kaba khraw ia ki khun samla.
Kum ba ka long mynta kane ka jingdih ia une u kynja jingdih banpynbuiad ia ki briew ka long kaba la jylla haduh katta katta ha jylla Meghalaya bad wat ha ka shnong Mawlai ruh, ka seng ka shim ia kane ka sien jam ban pyrshah ia kum kine ki jingduh pynbuaid.
Ha kane ka jingiaid paidbah kiba bun na ki khynnah skul bapher bapher jong ka dong Mawlai kila ia poi bania shim bynta bad ynda la poi ha Madan Heh la pynlong ruh ia ka jingialang paidbah ha kaba la kren da ki nongkren bapher bapher bad baroh ki nongkren ki pynsngew ia ka jingsniew kaba mih na ka jingdih Drugs.
Ha kane ka sngi na ka liang jong ki pulit ruh ruh kila ia don lang ia kaba la mih khmat da u Bah Vivek Syiem Additional SP, na ka liang jong ka MACS la kren da u Bah Anthony Syiemiong bad ha kane ka sngi kila don ruh shibun ki nongkren ban pynsngewthuh ia ka jingma kaba ap n aka jingdih drugs bad kawei ka sur kaba mih na kane ka jingiaid paidbah ka long ban ia khun pyrshah ia kane ka jingsniew.
