Da ki marbam san ka KSU sha ki khunswet kiba don ha “God’s Dream Children’s home”

Shillong, Lber 28: ka Seng ka la ioh ban iakren bad ki nongpyniaid Jong ka God’s Dream Children’s home, ka jaka kaba Ri bad kdup ia khynnah kiba khlem kmie khlem kpa kaba don ha Langkerding, Shyiap ha kaba na ka liang Jong ki nongpyniaid ki la pynpaw ba ki ia tyngkhuh mawsiang ha ka ban pynbit pynbiang iaka bam ka dih naka bynta ki 65 ngut ki khunswet kiba shong ba sah.

Ha kine ki sngi ha kaba ka Jylla baroh kawei ka khang khyrdep naka bynta ban teh lakam ia ka jingpur u khniang jingpang COVID-19. Kumta na ka Liang Jong ka seng hapoh ka jingialam Jong u Samla Sonstar Nongkhlaw president ka circle khlem kano kano ka jingpynslem ki leit bad noh jingiarap da ki marbam mardih Sha katei ka God’s Dream Children’s home.

Naka Liang ka Seng ka ai ka jingiaroh iaki nongpyniaid Jong katei ka jaka nakabynta ka jingkloi ka Jong ki ban kner la ki kti jingisynei naka bynta kitei ki khunswet hakajuh ka por ka seng ruh ka long kaba kloi ban kner ia ki kti jingiarap ha kano kano ka khyllipmat ba ki donkam ia ka.

Ka Seng ka kyntu ruh ia baroh ki paradoh parasnam ba kin bud ryntih ia ki kyndon ba la buh da ki bor badei khmih namar ka jingshimkhia shimet Kam iarap tang ialade hynrei iakiba ieid bathoin bad ka Jaitbynriew hi baroh kawei hakaba iadei ba kane ka thma pyrshah ia une u khniang jingpang Covid19 bad ban long kiba stad ba nym ngeit biej ha kino kano ki khubor hamsaia.

kyntang iawai ka Seng ka pyntip ba ka long kaba kloi ban iarap iala ki paradoh parasnam haba ki shem kano kano ka jingjinjar hakum kane ka por ba ka pyrthei baroh kawei ka Don hapdeng ka jingiakhun bad une u khniang jingpang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet