Da ki mask synniang ka HANM mawshynrut sha ki nongniah kali kamai ha Riangdo 

Shillong, Iaiong 30: Hapdeng ka jing kiew stet ka jingpang COVID-19, kala pyn sngew khia ia ka imlang sahlang ha baroh ka pyrthei kumjuh ruh ka la ktah jur ia ka Ri India,bad ia ka jylla meghalaya ruh la ka long ha ka bynta ka koit ka khiah bad ka ioh ka kot kala nang hiar arsut.

Ka seng ka dap da ka jingsngewkhia kaba jur khamtam haba phai sha ki paidbah kiba im tang da ka ba shu bylla sngi, bylla niah kali, bylla shong dukan ki ba la hap ban shu shah ia kiba kum kine ki jingeh tang ban ioh pyndap bam ia ki khun ki kti ne ia ka iing ka sem jong ki.

Ha ba kum kine ki por ba pur stet ka corona Ka don kam ia baroh ba kin sumar bha bad bud thik pa thik ia ki kyndon ba ka tnat ka koit ka khiah kala buh bad la ai jinghikai, kum ban ia jngai iwei ia iwei, ban sait ia ki kti, ban deng ia ki mask khamtam ha ki ja ka paidbah.

Na ka liang jong ngi ka seng ngi kyntu ia ki paidbah ka thain ban iatreilang bad ka tnat ka koit ka khiah bad ki pulit, kumjuh ruh bad ki shnong ban nym ap tang ba kin ong hynrei ban ia sam lem ia ki jing ia kyntu paralok ba kin phikir ban lait na shibun ki jingeh lada shah ktah ne lynshop ha ka khlam kaba long ka jing pang iabit. Tang ka jingiatrei lang kan wanrah ia ka jingjop.

Ka seng ha i bor ba rit ka la pyrshang ban synniang da ki mask sha ki nong niah kali kamai ,ha ki riew tymmen, bad ha ki katto katne ki dukan kiba don ha iew Riangdo kane ka long kum ban ai mynsiem lang ia baroh ba kin ia treilang ban rat dyngkhong bad ialeh pyrshah ia kaba kum kane ka jingpang da ka bor u jong ki paidbah.

Lada baroh ngi ia sngewkhia ngin ia kyntu lang lada lap ia ki bym bud ryntih ia ki kyndon, ki ba bun kin sa sngewthuh ia ka jing kordor kumno ban sumar ialade, lada ialade ngi lah ban sumar kamut ngin lah ban sumar ia kiwei pat kiba ha iing jong ngi. Kynmaw ruh ba u Blei un iarap ia kiba iarap ialade. Ka jing iada kan long kaba khambha ban ia ka jingpynkhiah.

Ka seng ka kyntu ruh ia ki paidbah kiba don ki ja ka rep ba kin phai khmat ruh sha ka kam rep jong ki ha kine ki por ba sa wan ba kan ym shah jynit.Namar ngim tip kaei kaban sa jia ha kaba lashai. Long ki ba stad bad kiba iai pynkhreh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet