Da ki phew hajar ia shim bynta ki paidbah sha jingleit tur sha jan Raj Bhavan ban dawa ILP

Shillong, Nohprah 13: Mynta ka sngi da ki bun phew hajar ki paidbah na kylleng ka jylla Meghalaya kila ia lum ha Motphran shuwa ban leit tur sha jan Raj Bhavan pynpaw pyrshah ba ka jylla Meghalaya kam kwah ia ka CAB bad ha ka juh ka por ban pynpaw ba la dei ban ai ia ka Inner Line Permit ha kane ka jylla Meghalaya.

Suwa ban iaid paidbah kala don ka jingkren na ki katto katne ki samla ki long kmie ban pynpaw ba ka jylla ka Pyrshah ia ka Citizenship Amendment  Act, bad ki dawa ba dei ban pyntrei kam ia ka ILP ha kane ka jylla Meghalaya.

Na ka liang jong ki nongkren baroh kila pynsngew ia kawei ka sur ba ka CAB kan long ka jingma ia ka jylla Ri paid kum ka jylla Meghalaya ha kaba ki paidbah nongshong shnong ki dei ki riewlum.

Ka jingiaid paidbah la ialam da ki nongialam ka Confederation of Meghalaya Social Organisation, u Chairman u Bah Robertjune Kharjahrin bad kiwei kiwei ki nongialam kiba don lang ha ka COMSO bad ka jingiaid paidbah kala poi haduh jan Raj Bhavan ha kaba la ialum lang.

Ki paidbah ha khmat jong ka Raj Bahvan, ha dien kala don ka jingsiat lyer pynsat khmat bad kala don ka jingiaklumar bad ha kane ka jingjia kila don shibun kiba mynsaw. Kat haduh ba thoh ia kane ka khubor ym pat lah ban ioh thikna katno ngut kiba mynsaw, hynrei kiba mynsaw kila long kyntthei bad shynrang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet