Shillong, Jymmang 29: Ki paidbah na kylleng jong ka Ri Khasi Jiantia mynta ka sngi kila ia tuid da ki phew hajar ngut ban leit peit khatduh ia u phadar Silvanus Sngi Lyngdoh ha jaka duwai jong ki phadar Silesian kaba don ha Sacred Hearth Theological College.
Ki paidbah kiba la ia poi ha kane ka sngi ki long na ki jaid niam baroh, kiba la ia wan na kylleng jong kane ka bri u hyniewtrep ban peit khatduh u u tei u lyngdoh jong ka Balang Katholik, hapoh ka iingmane jong ka Sacred Theological College.
Ka jingleh niam leh rukom kaba khatduh na ka bynta jong u tei u lyngdoh kan long la shai ka sngi ha ka por 1.30 baje nohphai sngi hapoh jong ka iing mane bah kaba don ha Laitumkhrah. Bun na kiba wan ban jongoh khatduh mynta ka sngi kila pynpaw ia ka jingsngewduh kaba khraw ia kane ka jingkhlad noh jong u Phadar sngi u ba la ia tip paidbah.
Ka jingleit on tep kan long ha u Lum jingtep jong ka Balang Katholik u ba don ha Laitumkhrah. U phadar sngi um dei tang u Lyngdoh, hynrei u la long ruh u khraw pyrkhat na ka bynta jong ka jaidbynriew.
