Shillong, Kyllalyngkot 20: Ka lympung kaba 14th Ki Khynnah Seng Khasi Sein Raij kaba ar sngi kala kut mynta ka sngi ha Madan Weiking ha kaba palat phew hajar ki paidbah kiba dang bat ia la ka jong ka niam tynrai kila ia poi sha kane ka lympung mynta u snem.
Ha kine ki ar sngi jong ka jingiakynduh lang ka Lympung Ki Khynnah Seng Khasi Sein Raij, kala don ka jingseng jingkraw na ki heh ki san jong ka seng khasi, ha kine ki ar sngi kala don ruh ka jingiapyni ia la ki sap ki phong kaba ki khynnah ki don lyngba ki jingiakop bapher bapher.
Ha kane ka sngi kut jong ka jingrakhe ia kane ka lumpung kaba 14th ki paidbah kiba dang bat ia la ka niam tynrai na kylleng ka Bri-U Hynniewtrep kila ia wan lang ban ia shim bynta ha kane ka lympung kaba la long ha madan weiking bad ha ka juh ka por ban rakhe ia ka jingdap 50 snem jong ka seng Khynnah Mawkhar.
Ha dien ka jingiamir jingmut bad ka jingia pyniia ki sap ki phong kaba ki don la pynkut ia kane ka lympung da ka jingiaid paidbah na Madan Weiking, kiew sha Jaiaw, Mawkhar, Motphran, Stand Jeep, Garikhana, Jaiaw Langsning bad poi sha Mawli bad pynkut biang ha madan Weiking.
