Jowai, Naitung 16: ka jinglehniam Behdein khlam kaba shisien shisnem jong ka Riad Jowai kaba saw sngi lynter ha dien ba la dep ban thung kba na ka bynta jong u snem 2017 la pynkut mynta ka sngi haAitnar Iongpiah ha kaba da ki phew hajar ki paidbah kila sakhi ia kane ka sngi ba kyrpang.
Ka jinglehniam kala sdang ha ka sngi palei da ka jingaibam ai dih ia ki long shuwa man shuwa ha ka por mynstep ha ki iing ki sem ka jingleniam da ka raid Jowai kala sdang ha ka por ar baje ha katei ka sngi bad but ter ter haduh ban da pynkut mynta ka sngi ha Eitnar da kaba bret ia ki rot ha kane ka jaka.
Ha kane ka sngi baroh ki paidbah kiba hap hapoh jong ka Jowai Elaka kila ia poi ha kane ka jaka ban rah iala ki jong ki Rot katkum ki dong bad ki kyntoit kiba ka elaka kala buh naduh ki por u men barim ba jah bad ia kaba la ia but bad pynneh pynsah haduh kine ki sngi kiba mynta.
Ia kane ka Behdeinkhlam kaba mynta u snem la sakhi da u Lat jong ka jylla u Banwarilal Purhohit ha ka jingiadon lang kiwei kiwei ki heh sorkar bad ka jingiapoilang jong kiba bun ki paidbah na kylleng ka Ri Khasi Jaintia ban ia sakhi lang ia kane ka sngi.
