Shillong, Naitung 07: Ka FKJGP Lai Shnong Area Unit kaba kynthup na ka Shnong Mawnianglah, Mawkhan & Mawrashe hadien ba la ioh ia ka jingujor na ki Seng Longkmie bad na ki riew paidbah halor ka jingkynrei ki jing sniew kiba laiphew jait tang na ka daw ka jing jyllei palat jong ki Nong die kyiad be-ain ha baroh ki pud sawdong jong kitei ki lai tylli ki shnong ha kaba ka thymmei hi kadei ha ki bynta kiba don halor jong u Lum Shyllong.
Ki Dkhot jong ka Seng hapoh ka jingialam jong u Samla Hopewell Kharkongor, President bad u Samla Shahbok Langstieh, General Secretary FKJGP Lai Shnong Area Unit ha ryngkat ka jing ia treilang bad ki Pulit jong ka Laban Police Station ha ka janmiet jong ka 4th August 2018 (Sngi Saitjain) kila pynlong ia ka jing pynap shrip ha kylleng ki bynta jong u Lum Shyllong bad ha katei ka jing pyn ap shrip la ioh ban kurup da ki Spah Liters ka Kyiad Pyrsi ba la wankit lyngba jong kawei ka Tourist Taxi kaba don u Registration No: ML05Q 4863.
Hadien ba na ka liang jong ki pulit kila pynlong ka jingtohkit,la ialam noh ia u Nongniah jong katei ka kali sha Laban Police Station ban pyndep ia ki jing donkam baroh katkum ki kyndon jong ka Ain. Kum ban shu pynkynmaw hangne ba na ka liang jong ka Seng na ka por sha ka por kala ju ai da ka jingmaham pyrshah ia baroh ki Nong die kyiad be-ain ba kim bit ban die pathar ia ka kyiad ha ki pud sawdong jong ka shnong khamtam eh sha ki khynnah kiba dang khie dang san namar ki ju mih ki jing iashoh ia dat bad ki jingsniew kiba lai phew jait kiba pyn sngewsih ia ka imlang ka sahlang hi baroh kawei.
Na ka liang jong Ka Seng kan sa shong pyrkhat bad pan ruh ia ka jing iatreilang na ki Dorbar Shnong ba marjan khnang bay n lah ban rat diengkhong ia kiba bun ki jingsniew kiba la sdang ban kynrei lyngba ka jing don jong ki Nong die kyiad be-ain bad ha kajuh ka porn a ka liang jong ka Seng ka Maham tyngeh ruh ia kiba dang iai mlien nagne shakhmat lada dang lap biang ka seng kam banse ban shim da kiawei pat ki sienjam na ka bynta ka jingbha.
