Shillong, Naitung 29: Mynta ka sngi ki paid riew ngeit hindu da ki spah ngut kila ia shim bynta ha ka jingiaid kjat na Mahadev sha krem Mawjymbuin ia kaba la tip kum ka “Kawad” ia kaba la sdang na Dham temple kaba don ha upper shilong. Kane ka jingiaid lynti ka long kumba 60 Km ban poi sha krem Mawjymbuin.
Kine ki riew ngeit hindu kin poi la shai ka sngi ha krem Mawjymbuin, ha kane ka jingiaid lynti kila tong ia ka um na jan ka Dham temple bad rah lang bad ki haduh ban da poi sha Mawsynram, ynda poi ha katei ka jaka kin sa pynlong ia ka jinglehniam bad la shai ka sngi hi kin sa wan phai noh sha la ki jong ki jong ki jaka jong ki. Kane ka jingiaid kjat sha katei ka jaka ka long mynta la kumba shiphew snem.
U Deputy Commissioner jong ka East Khasi Hills District u Bah P S Dkhar u la iathuh ha u SP News Agency ba kane ka jingiaid kjat kaba shisien shisnem ia kaba la tip kum ka kawad kala sdangmynta ka sngi bad mynta ka miet kiba ia shim bynta ha kane ka jingiaid kjat kin sa miet ha Lyniong bad la shai ka sngi dang step kin sa beteng biang ka jingiaid sha krem Mawjynbuin.
U Deputy Commissioner u la iathuh ba na ka liang jong ki bor ba dei peit ia ka District kila shim ki lad ki lynti baroh ban peit ba kane ka jingiaid ba shisien shisnem kan iaid beit iaid ryntih bad la buh ruh ia baroh ki lad jingiada.
