Da ki tiar iarap ka World Vision ia ka PHC sorkar kaba don ha Jongsha

Shillong, Nohprah 07: Ka Wolrd Vision kWorld Vissionala kner ia la ki jong ki kti jong ka ban iarap ia ka PHC jong ka sorkar jylla kaba don ha Jongsha da ki tiar ki thar ban pyndon kam hapoh jong katei ka hospital na ka bynta ka jingmyntoi ki paidbah katei ka thain baroh kawei.

Ia kitair ban pyndon kam hapoh jong katei ka jaka ai jingsumar jong ka sorkar la ai sha ka PHC lyngba u MDC jong kane ka jaka u Bah Banteidor Lyngdoh. Ha ka jingkren jong u u la ai khublei ia ka World Vision kaba la lah ban noh ia ka jingiarap sha kane ka jaka ai jingsumar jong ka sorkar na ka bynta ka jingmyntoi jong ki paidbah katei ka thain.

Ki tiar kiba la ai da ka World Vision sha ka PHC Jongsha ki long, kawei ka “Chem 7 biochemical semiautomatic analyser, Two Baby warmers,Two Hb automatic analyzer, One multipurpose refrigerator” kine ki dei ki tiar kiba la noh syniang na ka bynta ka jingdon kam jong ki paidbah. Ha kane ka jingialang la batai ba ki nongpang kiba don kam ban leh ia bun ki jingsumar la phah sha Shillong namar kane ka jaka sumar kam don ia kine ki tiar.

Ka kong L.Malgiang, ka nongmihkhmat ia ka  world vision, kala ong ba na ka liang jong kane ka kynhun kala pyrshang ban noh ia ki jingiarap sha kane ka  Mawkynrew block bad ka thong kaba ha khmat eh ka jong ki ka long ban iarap ia ki long kmie bad ia ki khunlung khynnah. Kala ong ruh ba ka por ba kane ka World Vision kan dang trei ha kane ka jaka kan kut ha u snem 2020.

Ia ka jingialang ha kane ka sngi la pyniaid da ka Dr P Kharpran, la ai jingkren ruh da u Dr A K Nongbri ba dei peit ia ka PHC Jongsha, kiwei kiba la ia don lang ha kane ka sngi ki long ka kong E Shabong, ki rangbah shnong bad bun kiwei ki riew rangbah.

 

 

 

 

What Next?

Recent Articles

Leave a Reply

Submit Comment
*