Shillong, Lber 31: Ka Khasi Students’ Union Shnongpdeng Unit kum shibynta ban kit ban bah lang na ka bynta ka imlang sahlang hapoh ka Shnong ha ka 30.03.19 ka la noh synniang da ki tip sop iing sha ki katto katne ki long ba duk kiba don hapoh shnong Shnongpdeng.
Ha kane ka sngi la don ryngkat u President KSU War Jaintia Circle Samla Laitphar Syngkrem bad u Waheh Shnong Ma Bnai Syngkrem uba long u Kongsan ha katei ka sngi u la sam ia kine ki tin bad u la ai ka jingkitbok kitrwiang ia ka K.S.U Shnongpdeng Unit kaba la lah ban noh synniang da ki tin sha ki paid nongshong shnong kaba long kawei na ki jingkyrkhu ba khraw tam na ka bynta kine ki longing baduk.
Ha ka juh ka por ula ai ka jingkitbok kitrwiang ia ka KSU Shnongpdeng Unit ba kan nang lah shuh shuh ban shakri bad ban wad ki lad jingiarap na ka byna ki briew ba shem jinglanot hapoh shnong.
Ka KSU hapdeng ka jingtlot kan nang wad ia ki lad ki lynti ban wanrah ia ki lad ai jingiarap ia ki paidbah hapoh ka shnong ka thaw baroh kawei. Ia kane ka kyrwoh la phah da u President Samla Kindly Khyriem, KSU Shnongpdeng Unit.
