Shillong, Jymmang 17: Ka Shillong Lajong mynt
a ka sngi kala jop pyrshah ia ka Aizwal FC ha ka jingialehkai U-18 Youth League ha ka Group D da shikol ha ka jingialehkai kaba la long ha Shillong.
Kane ka jingialehkai ha pdeng kine ki ar tylli ki kynhun ialehkai ka long kaba itynnad ha kaba baroh ar liang kila ia pyni ia la ki jong ki jong ki sap ialehkai bad ka jingiakhun tyngeh ban ioh thep kol. Ha ka jingiakhun ka Shillong Lajong kala ioh thep shikol ban jop ia kane ka jingialehkai.
Na ka liang jong ka Shillong Lajong dei u Kynsailang Khongsit u ba la thep ia ka shikol ban wanrah ia ka jingjop ha ka minit kaba 58 jong ka jingialehkai. Da kane ka jingjop kaba mynta ka sngi ka Shillong Lajong kala wan ha khmat eh na ka kynhun group D da kaba ioh lai point. Ha ka jingialehkai kaban long ha ka sngi Saitjain kan ia kynduh bad ka Ozone Football Academy.
