Shillong, Nailur 23: Ban pynlong ia ka election ban jied ia u Chief Executive Member (CEM) jong ka Jaintia Hills Autonomous District Council (JHADC) dang ap ia ka hukum na u Lat ka jylla ia ka sngi jied CEM ba thymmai hapoh jong ka JHADC.
Na ka liang jong u Secretary jong ka Legislative jong ka JHADC u la ong ba haduh mynta ka sngi kam pat don kano kano ka jingpyntip na u Lat ka jylla, na ka liang jong ka ophis ka dang ai ia ka jingbethah jong u Lat ka jylla ia ka sngi lano kan long.
Kiwei pat ki lad khubor ki iathuh ba na ka liang jong ka JHADC kala pyntip sha ka DCA ia kaei kaba la jia hapoh jong ka JHADC ha ka sngi Thohdieng bad kaba sah mynta ka long ba ka DCA kan pyntip sha u lat ka jylla ba na ka liang jong u Lat un buh ia ka sngi ban jied ia u CEM.
