Shillong, Jylliew 30: Ki nonghikai Adhoc hapoh jong ka Lama Federation All School Teachers of Meghalaya ka jingiakhih ba khlem buhpor ha khmat Secretariat kala poi sha ka sngi kaba lai mynta ka sngi.
Ha kine ki lai sngi jong ka jingiakhih la iohi ba bun na ki seng bhalang bad ki seng sain pyrthei kila leit ban sngewlem ia ki nonghikai kiba la ia khih ha katei ka jaka kaba la pynlong ia ka Deputy Commissioner jong ka East Khasi Hills ban pynmih ia ka hukum ba kin kynriah na katei ka jaka.
Hynrei kine ki nonghikai ki khlem sngap ia ka jingbthah jong ki bor jong ka District Administration kila iai bteng ia ka jingiakhih jong ki ha katei ka juh ka jaka haduh mynta ka miet ki khlem kynriah sha ka jaka ieng kali kaba don ha jan Additional Secretariat.
U President ka FASTOM u bah Diningroy Marwei la iathuh ba ia mynta ka meit ki dang iai bteng ia kane ka jingiakhih jong ki ha khmat ka secretariat, ha ka por mynsngi la iohi ba na ka liang jong ki magistrate ruh kila poi sha kane ka jaka ban ia kren ia ki nongialam ka Fastom.
