Shillong, Naiwieng 05: Mynta ka sngi ki nongkyrshan ka Bharatiya Janata Party (BJP) da ki spah ngut kila ki la wan iasoh noh bad ka National Peoples’ Party (NPP) na bynta ban ai jingkyrshan ia u bah Ransom Sutnga uba dei u kyrtong na 17-North Shillong konstiwensi.
Ia ka jignialang la pynlong mynta ka sngi ha iing dorbar jong ka shnong Lawmali, ia la pdiang burom sha ka party da u president ka seng Shillong City u bah Wanlamphang Kharmujai bad u kyrtong ka seng u bah Ransom Sutnga.
U bah Ransom Sutnga haba kren ha kane ka sngi u la pynpaw ia ka jingkmen ba kane ka jingwan kyrshan jong kine ki nongialam bad ki paidbah ka la nang ai mynsiem shuh shuh ia u ha kane ka ilekshon sha Iing Dorbar Thawain ka jylla ka ban long ha u 2023.
U bah Ransom ha kane ka jingialang u la pyntip ba kin don ki nongkyrshan ka TMC kin sa dang wan ban pyniasoh bad ka party NPP, la ong ruh ba na ka party BJP kin dang don shuh ki ban wan pyniasoh sha ka NPP.
