Shillong, Jymmang 03: U Myntri Rangbah ka jylla u Conrad K Sangma u la pyntip ba lyngba ka Twitter ba ka jingpynkhreh ia ki mashin hpoh jong ka Tura Civil Hospital na ka bynta ban test ia jingpang COVID-19 kala dang iaid sha khmat.
U Myntri rangbah u la khmih lynti ba hapoh kane ka tiew kaba mynta yn sa lah ban sdang ia ka jingtest ia kiba suba shitom COVID-19 ha poh Tura. Ka jingpyndait ia ki kor ki bor hapoh katei ka hospital kala dang iaid sha khmat.
Da ka jingdon ia kane ka jaka test hapoh Tura Civil Hospital ka jylla Meghalaya kan don ar tylli ki jaka test kawei hapoh NEIGRIHMS ha Shillong kaba dei jong ka sorkar pdeng bad kawei pat ha Tura.
Da ka jingdon jong katei ka jaka test hapoh Tura kan pynsuk ia ka tnad ka koit ka khiah ba ia ki sample kiba la lum na Garo Hills kim don kam shuh ban wan rah sha Shillong, la lah ban leh ia ka test hapoh Tura na ka bynta ka Garo Hills.
